Namanganda 17 yoshli bolalar masjid oldidagi ehson qutisini buzib, pullarni o'g'irlab ketishdi

Namangan viloyatining Chust tumani "Sadacha" MFYda joylashgan "Katta Bog‘" jome masjidi oldidagi ehson qutisidan bir nechta bola pullarni o'g'irlab ketgani aniqlandi. Mazkur holat haqida 30-aprel kuni Chust tuman IIB boshlig‘i nomiga ushbu masjid Imom xatibi aloqa xati bilan murojaat qilgan.

Aniqlanishicha, 26-apreldan 27-aprelga o‘tar kechasi noma’lum shaxslar tomonidan masjid tashqarisida joylashgan ehson qutisi ichida bo‘lgan taxminiy miqdori uch million so‘m pullar temir qutini buzish yo‘li bilan olib qochilgan.

Tezkor-qidiruv ishlari davomida masjid tashqarisida bo‘lgan ehson qutisi ichidagi pullarni Chust tumanida yashovchi 2006-yilda tug‘ilgan 4 nafar voyaga yetmagan shaxslar olib qochganligi ma’lum bo‘lgan.

Ularning yonidan 185 ming so‘m miqdoridagi pullar ashyoviy dalil sifatida olingan. 

Hozirda tergovga qadar tekshiruv ishlari olib borilmoqda.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 52121 | Инструменты