"O‘zbekiston belgisi" ko‘krak nishoni o‘z egalariga topshirildi
Poytaxtda “Yoshlar forumi — 2024” doirasida mamlakat taraqqiyotiga munosib hissa qo‘shib kelayotgan bir guruh yoshlarga “O‘zbekiston belgisi” ko‘krak nishonini topshirish marosimi bo‘lib o‘tdi.
Tadbirda davlat organlari va jamoat tashkilotlari vakillari, O‘zbekiston yoshlar ittifoqining yetakchilari va faollari, “O‘zbekiston belgisi” ko‘krak nishoni sovrindorlari hamda ommaviy axborot vositalari vakillari ishtirok etdi.
Tadbirda qayd etilganidek, joriy yilda 250 nafardan ortiq yoshlarimiz ushbu ko‘krak nishoni uchun nomzodlik qilgan bo‘lib, O‘zbekiston yoshlar ittifoqi Markaziy Kengashi qarori bilan ilm-fan, madaniyat, taʼlim, sog‘liqni saqlash, sanʼat, jurnalistika, sport, qishloq xo‘jaligi, kichik biznes, huquq va harbiy sohalarda o‘qiyotgan, ishlayotgan hamda ilmiy-ijodiy faoliyat bilan shug‘ullanib, yuksak natijalarga erishayotgan 110 nafar yoshlarga “O‘zbekiston belgisi” ko‘krak nishoni topshirildi.
Tadbir yosh ijrochilar va sanʼat ustalari ishtirokidagi konsert dasturi bilan yakunlandi.
.jpg "X factor uzbekistan")
.png "YouTube UZREPORT TV")
