O‘zbekistondagi avtomobil yo‘llarida avariya "o‘choqlari" qayerligi ma’lum qilindi

Yo‘l harakati xavfsizligi muammolarini o‘rganish markazi boshlig‘i Mashrab Razzoqov davlat ahamiyatidagi yo‘llarda YTH “o‘choqlari”ni nomma-nom sanadi.

Mashrab Razzoqovning aytishicha, agar yo‘lning 1 km masofasida 2 va undan ortiq YTHlar sodir bo‘lsa, bu yo‘l xavfli yo‘l hisoblanadi.

O‘zbekistonda 19 ta shunday yo‘llar mavjud.

Razzoqov ularning ayrimlarini sanab o‘tdi:

— Andijon viloyati Asaka tumani “Beruniy” MFYdagi Farg‘ona xalqa yo‘li;

— Buxoro shahri “Chinboy” MFYdagi Gʻuzor-Buxara-Nukus yo‘lining 218 kilometri;

— Buxoro tumani “Bog‘ikalon” MFYdagi Samarqand-Buxoro-Turkmanbashi-Samarkand yo‘lining 253 kilometri;

— Sharof Rashidov tumani “Kuyovboshi” MFYdagi Jizzax-Forish yo‘lining 8 kilometri;

— Jizzax shahridan o‘tuvchi Uchtepa avtomobil yo‘lining 10-17 kilometri;

— Qarshi shahri "Shayxali" MFY, “Gʻuzor-Nukus-Beynau” avtomobil yo‘lining 62 kilometri;

— Navoiy viloyati Karmanin tumani “Samarqand-Buxoro-Turkmanboshi” avtomobil yo‘lining 163 kilometri;

— Sirdaryo tumani Baxt shahri “Toshkent-Dushanbe” avtomobil yo‘lining 94 kilometri;

— Surxondaryo viloyati Sherobod tumani “Qo‘rg‘on” MFYdagi Olmaota-Bishkek-Toshkent-Shahrisabz-Termiz aylanma yo‘lining 1399 kilometri;

— Chinoz tumanidagi Toshkent-Termiz avtomobil yo‘lining 858-859 kilometri;

— Qoraqalpog‘iston Nukus-Chimboy avtomobil yo‘lining 6 km kilometri;

— Nukus tumani "Samanboy ovul" MFYdan o‘tgan yo‘l;

— Jo‘jayli tumani "Samankol ovul" MFYdan o‘tgan yo‘l;

— Kegeyli tumani “Kushungul” mahallasi Nukus-Chimboy -Taxtako‘prik avtomobil yo‘lining 42 km kilometri.