Rossiyada o‘zbekistonlik va shimoliy koreyalik migrantlar janjallashdi
Rossiyaning Primorsk o‘lkasida joylashgan Arsenev shahridagi qurilish maydonida Shimoliy Koreya va O‘zbekiston fuqarolari o‘rtasida mushtlashuv sodir bo‘ldi. Bu haqda “Amur Mash” Telegram-kanali xabar berdi.
Hodisa yangi barpo etilayotgan tog‘-chang‘i kurortida sodir bo‘lgan. Mojaro tushunmovchilik oqibatida yuzaga kelgan va janjal vaqtida taraflar hatto tayoqlardan foydalangan. Biroq janjaldan so‘ng ishchilar o‘z faoliyatlarini davom ettirgan.
Bildirilishicha, O‘zbekiston ishchilari va koreyaliklar nimanidir bo‘lisha olmay qolgan va bu holat keng ko‘lamli mojaro sababiga aylangan. Ishchilar hatto bir-birini temir quvurlar bilan urushgacha borgan.
Hodisa yuzasidan hozircha rasmiy organlar tomonidan aniq ma’lumotlar berilmagan, ammo huquqni muhofaza qiluvchi organlar ushbu mojaro yuzasidan tekshiruv olib borayotganini ma’lum qilgan.
.png "YouTube UZREPORT TV")
