Samarqandda 3 aka-uka 1 yigitni kaltakladi
Joriy yilning 9 may kuni Samarqand shahrida 3 aka-uka 17 yoshli o‘smirni kaltakladi. Bu haqda viloyat Ichki ishlar boshqarmasi xabar berdi.
Qayd etilishicha, 9 may kuni soat 20:30 da Samarqand shahar “Kaftarxona” mahallasida yashovchi 2007 yilda tug‘ilgan shaxs o‘ziga tegishli bo‘lgan skuterda Samarqand shahar “Charmgari” mahallasi hududidan o‘tuvchi avtomobil yo‘lida harakatlanib ketayotganida unga oldindan tanish bo‘lmagan Samarqand tumani “Gulobod” mahallasida yashovchi 2005, 2008 va 2012 yilda tug‘ilgan aka-ukalar otasi boshqaruvidagi Malibu rusumli avtomashinada ketayotgan vaqtida o‘zaro janjal kelib chiqqan. Mazkur janjal davomida 3 nafar aka-ukalar skuter haydovchisini urib, tan jarohati yetkazgan.
Holat yuzasidan Samarqand shahar bo‘yicha Ichki ishlar organlari faoliyatini muvofiqlashtirish boshqarmasi huzuridagi Tergov bo‘limi tomonidan Jinoyat kodeksining 277-moddasi (Bezorilik) 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
.png "YouTube UZREPORT TV")
