O'zbekiston milliy terma jamoasining Livanga qarshi o'rtoqlik o'yini uchun tarkibi ma'lum

Avval xabar berganimizdek, O'zbekiston milliy terma jamoasi fevral oyida qisqa muddatli o'quv-mashg'ulot yig'inini tashkil etadi.

Ushbu yig'in doirasida Samvel Babayan boshchiligidagi jamoa Livanga qarshi o'rtoqlik uchrashuvi o'tkazishi rejalashtirilgan. 13—15 fevral kunlariga mo'ljallangan yig'inga 21 nafar futbolchi jalb etilgan.

Ta'kidlash kerakki, Livanga qarshi uchrashuv 14 fevral kuni Birlashgan Arab Amirliklarining Dubay shahrida bo'lib o'tadi.

O'zbekiston milliy terma jamoasining navbatdagi rasmiy o'yinlari Jahon chempionati-2018 ikkinchi saralash bosqichi doirasida mart oyida bo'lib o'tadi. Babayan shogirdlari 24 mart kuni Filippini, 29 mart kuni esa Baxraynni Toshkentda qabul qiladi.

Ayni vaqtda O'zbekiston milliy terma jamoasi ikkinchi saralash bosqichida 6 o'yindan keyin 15 ochko to'plagan holda, “H” guruhida ikkinchi o'rinni egallab turibdi. Birinchi o'rindagi KXDR terma jamoasi hisobida 7 o'yindan keyin 16 ochko bor.

Quyida O'zbekiston milliy terma jamoasining 13—15 fevral kunlari bo'lib o'tadigan yig'iniga jalb etilgan futbolchilar ro'yxatini keltirib o'tamiz.

Darvozabonlar: Ignatiy Nesterov, Eldor Suyunov

Himoyachilar: Davron Xoshimov, Islom To'xtaxo'jayev, Kamoliddin Tojiyev, Sherzod A'zamov, Azimjon Ahmedov, Stanislav Andreyev, Akromjon Komilov, Javlon Mirabdullayev

Yarim himoyachilar: Javohir Sohibov, Jamshid Boltaboyev, Otabek Shukurov, Server Jeparov, Jasur Hasanov, Doston Hamdamov, Sanjar Shoahmedov, Eldor Shomurodov, Shuhrat Muhammadiyev

Hujumchilar: Igor Sergeyev, Marat Bikmayev.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 111715 | Инструменты