Adliya vazirligi moliyaviy qiyinchilikka uchragan banklarni sog‘lomlashtirish va tugatish jarayonlarini tartibga soluvchi hujjatni davlat ro‘yxatidan o‘tkazdi. Yangi tartibga ko‘ra, bank zararlari birinchi navbatda aksiyadorlar hisobidan qoplanadi, omonatchilarning mablag‘lari esa to‘liq saqlab qolinadi.
Aktivlar va majburiyatlarni o‘tkazish. Muammoli bankning aktivlari va majburiyatlari, jumladan kredit va omonatlari boshqa barqaror bankka o‘tkaziladi yoki sotiladi.
Oraliq bankni tashkil etish. Bankning muhim xizmatlarini uzluksiz davom ettirish uchun 2 yilgacha faoliyat yurituvchi vaqtinchalik bank tuziladi.
Hisobdan chiqarish va konvertatsiya qilish. Bank zararlarini qoplash maqsadida uning kapitali va ayrim majburiyatlari kamaytiriladi yoki aksiyalarga aylantiriladi.
Kafolatlangan omonatlar, shuningdek, ularning kafolatlash chegarasidan oshadigan qismi ham hisobdan chiqarilmaydi va aksiyalarga aylantirilmaydi.
Omonatlar boshqa bankka o‘tkazilgan taqdirda, mijozlardan yangi bank hisobvarag‘i shartnomasini qayta tuzish talab etilmaydi.
Aktivlar boshqa yoki oraliq bankka o‘tkazilganda, mijozlarga ko‘rsatilayotgan bank xizmatlarining uzluksizligi to‘liq ta’minlanadi.
Bankning moliyaviy zararlari birinchi navbatda uning aksiyadorlari hisobidan qoplanadi.
Alpha version: 0.9.1.19 build 111715 | Инструменты