Surxondaryolik polvon Tojikistonda xalqaro turnir g‘olibligini qo‘lga kiritdi
Surxondaryolik polvon Tojikistonda xalqaro turnir g‘olibligini qo‘lga kiritdi
Joriy yil 19-mart kuni Surxondaryo viloyati Termiz tumanidagi “Otchopar” majmuasida o‘tkazilgan katta kurash musobaqasida mutlaq vaznda g‘oliblikni qo‘lga kiritib, Surxondaryo viloyati hokimining bosh sovrini – “Gentra” avtomobili egasiga aylangan Muhammadkarim Xurramov bugun yana bir g‘alabaga erishdi.
Sportchimiz Tojikistonda o‘tkazilgan kurash musobaqasida ham mutlaq vaznda barcha raqiblarini mag‘lub etib, bosh sovrin – 10 ming AQSH dollari bilan mukofotlandi.
Ma’lumot uchun, dzyudochimiz Muhammadkarim Xurramov 1997-yilning 4 aprelida Sherobod tumanida tug‘ilgan. Yoshlar o‘rtasida Osiyo chempionati g‘olib va sovrindori, Dyusseldorf “Katta dubulg‘a” turnirining oltin medal sohibi. Vohadoshimiz -100 kg vazn toifasida Tokio-2020 Olimpiya o‘yinlarida ishtirok etgan.
.jpg "X factor uzbekistan")
.png "YouTube UZREPORT TV")
