Telegram yangilandi: endilikda hamkorlik dasturlarini ishga tushirish imkoni mavjud

Telegram messenjeri 4-dekabr kuni Android va iOS uchun 11.5 versiyasigacha yangilandi. Endilikda foydalanuvchilar kollaj-storislar yaratishi, sun’iy intellekt (SI) yordamida rasmiy stikerlar qidiruvini amalga oshirishi mumkin.

Endi foydalanuvchilar bir Stories ichida 6 tagacha rasm yoki video to‘plashi, shuningdek, ularni tartibga solish uchun turli variantlarni tanlashi mumkin. Tanlangan qismlarni ko‘chirish, almashtirish va o‘chirish imkoniyati ham mavjud.

Sun’iy intellekt yordamida rasmiy stiker qidiruvi

Stikerlar paneli murakkab bir nechta kalit so‘zli qidiruvlarni qo‘llab-quvvatlaydi. Qidiruv faqat Telegram jamoasining barcha rasmiy to‘plamlari orasida amalga oshiriladi. Begona stikerlar qo‘llab-quvvatlanmaydi.

Media fayllardagi yozuvlar

Media fayl muharririda yangi “Imzoni tepaga ko‘chirish” tugmasi paydo bo‘ldi. Bu foydalanuvchiga biriktirilgan rasm yoki videoga nisbatan matnning o‘rnini tezda o‘zgartirish imkonini beradi.

Hamkorlik dasturlari

Telegram’dagi barcha foydalanuvchilar va kanallar endi mini-ilovalarni ishlab chiquvchilardan hamkorlik dasturlarida yulduzlar olishlari mumkin. Jalb etilgan foydalanuvchi sizning mini-ilovaga yo‘naltiruvchi havolaga o‘tsa va Telegram yulduzlari yordamida u yerda xaridlarni amalga oshirsa, siz foydalanuvchi tomonidan ilovada sarflagan yulduzlarning ma’lum foizi miqdorida mukofot olasiz.

Hamkorlik dasturlarini ishga tushirish

Telegram’da har qanday mini-ilovalar yoki botlar ishlab chiquvchisi o‘zining hamkorlik dasturini ishga tushirishi hamda kelajakdagi daromadining necha foizini va qancha vaqt davomida mukofotni foydalanuvchilarni xizmatga jalb qiladiganlar bilan baham ko‘rishga tayyorligini ko‘rsatishi mumkin.