YouTube Shorts tomosha qilish vaqtini cheklamoqchi
YouTube videoxostingi vertikal Shorts roliklarini tomosha qilish vaqtini cheklash imkonini beruvchi yangi funksiyani ishlab chiqmoqda. Bu haqda TechCrunch xabar berdi.
Foydalanuvchilar Shorts tomosha qilishga sarflangan vaqtni nazorat qilish uchun kunlik taymer o‘rnatishlari mumkin bo‘ladi.
YouTube vakillari TechCrunch’ga ushbu kengaytma ustida ishlayotganlarini tasdiqladi, ammo hozircha uni ommaviy sinovdan o‘tkazmayotganlarini aytdi.
Android Authority tomonidan e’lon qilingan kod parchalariga ko‘ra, tomosha limiti cheksiz roliklarni aylantirishni to‘xtatish imkonini beradi.
Bunda Shorts sahifasi butunlay bloklanmaydi, ba’zi videolarni ko‘rish imkoniyati saqlanib qoladi.
Avvalroq YouTube Shorts tomoshalarini hisoblash usulini o‘zgartirishini e’lon qilgandi.
Qisqa videolar ko‘rishlar soni endi ijodkorning qisqa videosini necha marta ishga tushirgani yoki qayta-qayta tomosha qilganini hisobga oladi.
Avval tomosha soniya ichida Short tomosha qilinganidan keyin hisoblanardi. Ushbu o‘zgarish natijasida ko‘rishlar soni kelgusida oshadi.
.png "YouTube UZREPORT TV")
