Apple смартфон нархидаги мусиқий китобни чоп этади

2024 йил ёзида Apple Music “Мусиқа тарихидаги энг яхши 100 та альбом” ташаббусини йўлга қўйган эди, у ҳанузгача стриминг хизматида мавжуд. Эндиликда Apple компанияси чекланган нашрдаги “Apple Music: 100 та энг яхши альбом” номли китобга олдиндан буюртмаларни қабул қилишини эълон қилди.

Китоб Assouline нашриёт уйи билан ҳамкорликда ёзилган бўлиб, атиги 1500 нусхада чоп этилади. Уларнинг ҳар бири чекка қирраларига тилла суви югуртирилган дизайн, Apple Music логотипи туширилган шаффоф акрил қути ва ўзига хос қўлёзма рақамига эга бўлади.
Китобнинг учинчи бетида Apple Music 1 радиоси бошловчиси Зейн Лоу томонидан айтилган сўз боши битилади. Унда бир мусиқий альбом ҳақида батафсил маълумот келтирилади ва альбом муқоваларининг сурати туширилади.

Муаллифларнинг сўзларига кўра, китоб 65 йиллик даврда яратилган кантри, поп, рок, ҳип-ҳоп ва электроника каби турли жанрдаги тўпламларни қамраб олади. Нашрда Билли Айлиш, Metallicа, Тревис Скот ва Talkинг Heads каби хонандаларнинг альбоми ўрин олган.

“Агар китобда берилган рўйхат Apple Music платформасидан ташқаридаги мухлисларнинг қизиқишини уйғотса ва китоб кўплаб суҳбатларга сабаб бўлса, демак, биз ўз мақсадимизга эришган бўламиз. Чунки фикримизча, чинакамига ажойиб альбомлар шунчаки қўшиқлар тўплами эмас, балки қалбларга етиб борадиган сеҳрли оҳанг эканлигини англаб етдик. Зеро улар ҳаётимизнинг бир қисмига айланган”, дейди Apple Music компаниясининг глобал креатив директори Зейн Лоу.
Apple Music: 100 та энг яхши альбом” ни расман етказиб бериш 2024 йил 25 ноябрда бошланади. Китоб 208 та саҳифа ва 97 суратни ўз ичига олади.

МаcRumors нашрининг ёзишича, мазкур китоб замонавий интерьер безак ёки коллекцион буюмга айланиши мумкин.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 40204 | Инструменты