AQSh 66 ta xalqaro tashkilotdan chiqmoqda
Tramp AQShni BMT homiyligidagi 31 ta tashkilotni o'z ichiga olgan 66 ta xalqaro tashkilotdan chiqarish to'g'risidagi farmonni imzoladi. Tramp ma'muriyati ularni "isrofgarchilik, samarasiz va zararli" deb hisoblaydi.
AQSh prezidenti Donald Tramp Qo'shma Shtatlarning 66 ta xalqaro tashkilotdagi a'zoligini tugatish to'g'risidagi memorandumni imzoladi. Bu ma'lumot chorshanba, 7-yanvar kuni Oq uyning X mikroblogida e'lon qilindi.
AQSh chiqib ketayotgan tashkilotlar orasida 31 tasi BMT homiyligida, 35 tasi esa ushbu global tashkilotdan tashqarida faoliyat yuritayotgani aniqlangan. Ularning barchasi "endi AQSh manfaatlariga xizmat qilmaydi", deyiladi Oq uy nashrida.
AQSh qaysi xalqaro tashkilotlardan chiqib ketmoqda?
Ushbu tashkilotlarning to'liq ro'yxati Oq uy veb-saytida mavjud. Boshqalar qatorida, ommaviy qirg'in qurollarini tarqatmaslikni targ'ib qilish uchun yaratilgan Ukraina fan va texnologiyalar markazi (STCU); Venetsiya komissiyasi; BMT Bosh kotibining bolalarga nisbatan zo'ravonlik bo'yicha maxsus vakili idorasi; BMT Demokratiya jamg'armasi va boshqalar kiradi.
Shu bilan birga, AQSh Davlat kotibi Marko Rubioning ushbu mavzu bo'yicha bayonotida Donald Tramp ma'muriyati mamlakat chiqib ketayotgan tashkilotlarni "isrofgarchilik, samarasiz, zararli", "yomon boshqariladigan", "ortiqcha" yoki "bizning (AQSh - tahr.) milliy suverenitetimiz, erkinliklarimiz va umumiy farovonligimizga tahdid" deb hisoblagani aytilgan.
.png "YouTube UZREPORT TV")
