Birlashgan Millatlar Tashkiloti: G‘azo sektorida dunyodagi oxirgi 4 yildagi barcha mojarolardan ko'ra ko‘proq bolalar halok bo‘ldi
Falastin Sog‘liqni saqlash vazirligi ma’lumotlariga ko‘ra, urush boshlanganidan beri G‘azo sektorida 13 mingga yaqin bola halok bo‘lgan. UNRWA rahbari aniq maʼlumot olish juda qiyinligini taʼkidladi, biroq qurbonlar soni bundan ham koʻproq boʻlishi mumkinligini istisno etmadi
Oxirgi olti oyda G‘azo sektorida halok bo‘lgan bolalar soni dunyo bo‘ylab so‘nggi to‘rt yildagi mojarolarda halok bo‘lgan bolalar sonidan oshib ketdi, deya ma'lum qildi BMTning Yaqin Sharqdagi Falastinlik qochqinlarga yordam ko‘rsatish va ishlar agentligi (UNRWA) Bosh komissari.
Uning ta'kidlashicha, urush sharoitida aniq ma'lumotlarni olish juda qiyin, ammo hatto Falastin Sog'liqni saqlash vazirligi keltirgan raqamlar (oktabr oyidan beri 34 mingdan ortiq tinch aholi o'limi) "hayratlanarli". “Olti oy ichida 30 mingdan ortiq odam vafot etgani misli ko‘rilmagan holat. O'lganlar orasida 13 ming bola borligini bilamiz. Biz bilamizki, olti oy ichida G‘azoda so‘nggi to‘rt yil ichida sodir bo‘lgan barcha mojarolardan ko‘ra ko‘proq bolalar halok bo‘lgan”, — dedi Lazzarini.
34 ming raqam oshirilmagan deb ishonch bilan aytish mumkinmi, degan savolga javoban u bu maʼlumotlarni “albatta, halok boʻlganlar miqyosi va soniga mos keladi” deb atadi. “Ammo bu raqam vayronalar ostida qolganlarning hammasini qamrab olishiga ham ishonchim komil emas, chunki aksariyat hollarda qurbonlar soni tibbiy muassasalarga xabar qilinadi. Shuning uchun, aytamanki, taqdim etilgan ma'lumotlar, afsuski, haqiqatga yaqin bo'lishi mumkin. Haqiqatda o'lganlar soni bundan ham ko'proq yoki nomutanosib ravishda yuqori bo'lishi mumkin. Bular bo‘rttirilgan raqamlar, deb o‘ylamayman”, — dedi BMT agentligi rahbari.
.jpg "X factor uzbekistan")
.png "YouTube UZREPORT TV")
