Bloomberg: Dunyoning eng boy odamlari 2023-yilda yanada boyib ketishdi

Dunyoning eng badavlat odamlari 2023-yilda o‘z boyliklarini 1,5 trillion dollarga oshirishga muvaffaq bo‘lishdi. 500 ta eng badavlat milliarderlar orasida texnologik kompaniyalarga ega bo'lganlar o'zlarining boyliklari eng ko'p oshganini ko'rdilar. Bloomberg agentligi reytingiga ko‘ra, Ilon Mask 2023-yilni jahonning eng boy odami sifatida yakunlamoqda.

SpaceX, Tesla, X (sobiq Twitter) singari turli yo‘nalishlardagi taniqli kompaniyalarning xo‘jayiniga qarashli boylik miqdori 28-dekabr holatiga 238 mlrd AQSh dollarini (yil boshidan buyon +$101 mlrd qo‘shilgan) tashkil etmoqda.

LVMH kompaniyasi aksiyalarining nazorat paketiga egalik qiluvchi fransiyalik tadbirkor Bernar Arno — ikkinchi o‘rinda ($179 mlrd). Undan ozgina ortda qolgan Jeff Bezos (Amazon) — uchinchi o‘rinda ($178 mlrd).

Arno va 10-o‘rindagi investorlar qiroli Uorren Baffettdan tashqari, kuchli o‘nlikdagi barcha milliarderlar — texnologiyalar sohasi vakillari: Bill Geyts, Stiv Balmer, Mark Sukerberg, Larri Peyj, Larri Ellison, Sergey Brin.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 40109 | Инструменты