Chayon suti kasalliklarni davolashda yordam beradi

Chayon zahri inson uchun halokatga olib keladigan darajada havflidir. Biroq molekulyar darajada bu yuzlab foydali komponentlar bo`lib, onkologiya kasalliklarini tadqiq qilish va davolashda qo`llanilishi mumkin. Moddani qo`l usulida olish esa inson uchun ham, jonivor uchun ham zararlidir. Marokashning Kasablanka universiteti olimlari chayon zahrini tez va havfsiz `sog`ib oluvchi` agregat - VES-4 deb nomlangan mitti robotni yasashni uddaladi. U o`rgimchaksimonlarning dumiga o`rnatiladi va elektr toki yordamida zaharning ajralishini tezlashtiradi, uni yig`adi va saqlaydi. Robotni yaratishdan oldin olimlar guruhi zarar keltirmaydigan kuchlanish hajmini aniqlash uchun chayonlarning mavjud bo`lgan barcha turlarini o`rganib chiqdi. Bitta qurilma bir vaqtning o`zida to`rtta jonivorni sog`ishi mumkin, dedi tadqiqotchi Muad Mkamel'. Muad Mkamel' - olim: - Agar oldin biz bir kunda faqat 10 ta chayonni sog`a olgan bo`lsak, endi ularning soni 150 taga etadi! Olinadigan zaharning sifati va miqdori qanchalik yuqori bo`lsa, tadqiqotlarimiz va natijalarimiz shunchalik yahshi bo`ladi. Uning hamkasbi Rashid Seil shifobahsh zaharni ular faqat Marokashdagi chayonlardan olishiga umid bildirdi. Rashid Seil - olim: - Biz zahardan kerakli molekulalarni ajrata olamiz. Umid qilamanki, vaqti kelib bu molekulalar Marokash jonivorlaridan tarkib topadi. Bu ishimiz va tadqiqotlarimizni yanayam bebaho qiladi. Hozir jamoa robotni patentlashlarini kutmoqda. Keyin esa olimlar o`z mashinasini ommaviy ishlab chiqarilishni rejalashtirmoqda. Ularning bahosiga ko`ra, chayon sutining bir grammi 8-12 ming dollarni tashkil etadi.