Sizlarni har doim eng qiziqarli yangiliklardan xabardor qilish maqsadida yangi xabarlar haqida ogohlantirishimiz mumkin.
Fransiya 2040-yilgacha robot armiyaga ega bo‘ladi
Fransiya qurolli kuchlari 2040-yilgacha jangovar robotlarni ishlab chiqishni rejalashtirmoqda. Loyiha ustida harbiylar, muhandislar, tadqiqotchilar va mudofaa vakillari ish olib bormoqda. Bu haqda The Straits Times xabar berdi.
“Yaqin uch yil ichida qo‘shinlarimizga robotlar kirib kelishi kutilmoqda. Bu misli ko‘rilmagan yangilik bo‘ladi”, dedi armiyaning kelajakdagi jangovar qo‘mondoni general Bruno Barats.
Bir necha hafta davom etgan Parij g‘arbidagi so‘nggi harbiy musobaqada robotlar ham ishtirok etishdi. Oyoqlar, g‘ildiraklar va protektorlar bilan jihozlangan robotlar dushman kuchlariga qarshi turish qobiliyatini sinovdan o‘tkazdi.
“Kuzatuvdan tortib to minalardan tozalashgacha bo‘lgan vazifalarni robotlar bemalol bajara olishini namoyish etdi”, dedi armiyaning texnik bo‘limi boshlig‘i general Toni Maffeis.
Fransiya armiyasi 2021-yildan beri robotlardan foydalanish borasida tadqiqot o‘tkazib keladi. Ukrainadagi urush va unda qo‘llanilayotgan dronlar urushni qayta shakllantirib, robotlar evolyutsiyasini juda tezlashtirdi.
Baholash:
0
0
Izohlar: 0
Siz identifikatsiyadan o'tmadingiz
Ro'yxatdan o'tish yoki Kirish
Ro'yxatda bo'lmay turib izoh qo'shish
.png "YouTube UZREPORT TV")
