Isroil Eronga hujum chog‘ida 200 ta samolyotdan birontasini ham yo‘qotmadi
13 iyun, juma kuni bo‘lib o‘tgan matbuot anjumanida TSAHAL vakili, brigada generali Effi Defrin Eronning yadroviy va boshqa obektlariga zarba berishda Isroilning 200 dan ortiq harbiy samolyoti ishtirok etganini ma’lum qildi. Uning so‘zlariga ko‘ra, ushbu operatsiya davomida 100 ta nishonga qarshi 330 dan ortiq o‘q-dorilar qo‘llangan. Shu bilan birga, Germaniyaning BILD gazetasi harbiy kuzatuvchilari aniqlik kiritishicha, Isroil bironta ham samolyotini yo‘qotmagan. F-35, F-16 va F-15 bombardimonchi samolyotlari asosan Tehrondagi nishonlarga boshqariladigan bombalarni tashlash uchun 50 kmgacha bo‘lgan masofada yaqinlashdi.
Eron havo mudofaa tizimidan javob faqat bitta bazadan keldi. BILD fikricha, bunday dinamika hatto Isroil samolyotlari havoga ko‘tarilganida ham boshlangan elektron urush yordamidagi yirik kiberhujumdan dalolat beradi. Aftidan, Isroil Eron radarlarini bir necha soat davomida o‘chirib qo‘yishga muvaffaq bo‘ldi, deya aniqlik kiritdi nashr.
Kuzatuvchilar Hans-Yorg Felevald va Yulian Ryopkening so‘zlariga ko‘ra, Isroil Eronning turli havo hujumidan mudofaa bo‘linmalari, shuningdek, mobil telefonlar, ratsiyalar va peyjyerlar kabi shaxsiy aloqa tizimlari o‘rtasidagi aloqalarni buzishga muvaffaq bo‘lgan ko‘rinadi. Reyd tugagandan keyingina aloqa tiklandi.
.png "YouTube UZREPORT TV")
