Kanada bosh vaziri: AQShning yangi bojlari global savdoni o‘zgartiradi
Donald Trampning AQSh importiga sezilarli bojlar joriy etishini e’lon qilishi butun xalqaro savdo tizimini tubdan o‘zgartiradi. Kanada bosh vaziri Mark Karni 2 aprel, seshanba kuni shunday baho berdi.
«Prezident Tramp hozirgina xalqaro savdo tizimini tubdan o‘zgartiruvchi bir qator chora-tadbirlarni e’lon qildi», — dedi siyosatchi Kanada telekanallariga bergan izohida. U «tariflarga qarshi javob choralari bilan kurashishga» va’da berdi.
AQShning yangi tariflari Kanada va Meksikaga tatbiq etilmaydi, deya ma’lum qildi Oq uy. Biroq, ilgari joriy qilingan tariflar ushbu mamlakatlar uchun amal qilishda davom etmoqda.
Bundan tashqari, Karnining ta’kidlashicha, Kanada iqtisodiga barcha avtomobillar va ehtiyot qismlarni Qo‘shma Shtatlarga import qilish uchun yangi 25 foizlik yig‘im katta ta’sir ko‘rsatadi.
.png "YouTube UZREPORT TV")
