Moldovada Bosh shtabning sobiq rahbari Rossiya foydasiga josuslik qilganlikda ayblanmoqda
Moldova armiyasi Bosh shtabining sobiq boshlig‘i Igor Gorgan davlatga xiyonat va Rossiya foydasiga josuslikda ayblanmoqda, dedi uyushgan jinoyatchilik va alohida ishlarga qarshi kurash bo‘yicha prokuratura vakili Emil Gaytur. Gorgan avvalroq OAVning Rossiya razvedkasi bilan aloqalari haqidagi xabarlarini rad etgan.
“Jinoyat va alohida ishlar boʻyicha prokuratura tomonidan ilgari eʼlon qilingan ishda ishtirok etgan shaxsga ayblanuvchi maqomi berildi”, dedi Gaytur.
Ma'lumot o'rnida, Igor Gorgan Bosh shtabni 2021 yilgacha boshqargan. Uning Rossiya razvedkasi bilan aloqalari haqidagi ma'lumotlar 2024 yilning yozida ommaviy axborot vositalarida paydo bo'lgan. Ta’kidlanishicha, Gorgan Rossiya tomonini qurol sotib olmoqchi bo‘lgan Ukraina Mudofaa vazirligi vakillarining Moldovaga tashriflari haqida xabardor qilgan. Prezident Mayya Sandu Bosh shtabning sobiq rahbarini mukofotlaridan mahrum qildi. U davlat rahbarining farmoni ustidan sudga shikoyat qildi.
.png "YouTube UZREPORT TV")
