Osiyo Markaziy banklari valyutaviy intervensiyalarga nisbatan ehtiyotkorlik bilan yondashmoqda
Bloomberg agentligi xabar berishicha, Osiyoning rivojlanayotgan mamlakatlaridagi yirik markaziy banklar valyutalar bozoridagi intervensiyalarini qisqartirishga kirishgan ko‘rinadi.
Hindiston va Malayziya Markaziy banklari o‘z valyutalarining qadrsizlanishini oldini olish maqsadida qo‘llanadigan ayrim derivativ (hosila) moliyaviy instrumentlar hajmini kamaytirdi. Tayvan esa so‘nggi haftalarda o‘z valyutasining dollarga nisbatan ancha mustahkamladi va bundan keyin ham bu jarayon davom etishi mumkinligini anglatdi.
Bunday o‘zgarishlarga asosiy sabablardan biri — bozor sharoitidagi o‘zgarishlar bo‘ldi. AQSH dollari joriy yil boshidan beri 7%dan ko‘proq qadrsizlangani natijasida rivojlanayotgan mamlakatlar valyutalariga bo‘lgan bosim ancha yengillashdi. Osiyo Markaziy banklarining o‘z valyutalarini himoya qilish bo‘yicha yondashuvini o‘zgartirishi Tramp saylovlaridan keyingi global bozorlardagi tub o‘zgarishlarni yaqqol aks ettiradi.
Ayni paytda, valyutaviy intervensiyalardan voz kechish jarayoni butun Osiyo bo‘ylab umumiy tus olgani yo‘q. Shu bilan birga, so‘nggi yillarda valyutalar bozoriga faol aralashib kelgan ayrim rivojlanayotgan mamlakatlar Markaziy banklari endi vaziyatni ehtiyotkorlik bilan baholab, intervensiyalarni kamaytirishga qaror qilgan ko‘rinadi.
.png "YouTube UZREPORT TV")
