Qozog‘iston prezidenti Sadir Japarovni "Do‘stlik" ordeni bilan taqdirladi
Qozog‘iston prezidenti Qosim-Jomart To'qayev Qirg‘iziston prezidenti Sadir Japarovni Qozog‘istonning 1-darajali davlat mukofoti – “Do‘stlik” ordeni bilan taqdirladi.
Taʼkidlanishicha, mukofot “Qozogʻiston Respublikasi va Qirgʻiziston Respublikasi oʻrtasidagi ikki tomonlama munosabatlarni mustahkamlash hamda rivojlantirishga qoʻshgan ulkan hissasi uchun” topshirilgan.
Sadir Japarov Qosim-Jomart To'qayev va butun qardosh qozoq xalqiga berilgan yuksak baho uchun minnatdorlik bildirib, 1-darajali “Do‘stlik” ordeni bilan mukofotlash to‘g‘risidagi qarorni Qirg‘iziston Respublikasi va qirg‘iz xalqiga bo‘lgan alohida hurmat, deb bilishini ta’kidladi.
"1-darajali “Do‘stlik” ordeni ikki davlat o‘rtasidagi siyosiy ishonch, o‘rnatilgan ittifoqchilik munosabatlari va strategik sheriklik munosabatlarining yuksak darajasini tasdiqlaydi", - deya ta'kidlagan u.
U Qirgʻiziston va Qozogʻiston oʻrtasidagi munosabatlar yangi rivojlanish davri ostonasida ekanini taʼkidladi. Shuningdek, u qardosh xalqlar o‘rtasidagi qardoshlik, yaxshi qo‘shnichilik va abadiy do‘stlik rishtalarini mustahkamlashga qaratilgan muammolarni hal etishda bundan keyin ham yaqindan va birgalikda ishlashga tayyor ekanini bildirdi.
.jpg "X factor uzbekistan")
.png "YouTube UZREPORT TV")
