Qozog‘istondagi neft bazasida portlash sodir bo‘ldi
Qozog‘istonning Jezkazgan shahridagi neft bazasida portlash yuz berib, orqasidan yong‘in kelib chiqdi. Hodisa oqibatida to‘rt kishi jarohat oldi va kasalxonaga yotqizildi, deb xabar berdi Qozog‘iston Favqulodda vaziyatlar vazirligi.
Vazirlik ma’lumotiga ko‘ra, dastlab neft bazasi hududida uchta maxsus avtomobil yonib ketgan. Yong‘indan keyin, o‘t o‘chiruvchilar yetib kelgunicha, gaz-havo aralashmasi portlagan. Yong‘in 100 kvadrat metr maydonni qamrab olgan. Baza hududida joylashgan angar qulab tushgan.
Favqulodda vaziyatlar xizmati xodimlari yonayotgan hududni o‘chirish chog‘ida yon-atrofdagi yonilg‘i saqlanayotgan rezervuarlarni sovutish orqali olovning boshqa joylarga o‘tishini oldini olishga muvaffaq bo‘lishdi. Yong‘in to‘liq bartaraf etildi.
Hodisaning sabablari hozircha aniqlanmagan.
.jpg "X factor uzbekistan")
.png "YouTube UZREPORT TV")
