Tramp Kanada va Meksikadan tovarlarga bojlar qachon kuchga kirishini aytdi
AQSh prezidenti Donald Tramp Meksika va Kanada tovarlariga 25 foizlik bojlar joriy etish niyatini tasdiqladi. Trampning so‘zlariga ko‘ra, ular 1-fevraldanoq ishlay boshlashi mumkin.
Oq uyda prezidentning birinchi farmonlarini imzolash chog‘ida jurnalistlar Donald Trampdan tariflarni qachon joriy etishni rejalashtirayotgani haqida so‘rashdi.
"Menimcha, 1 fevral", deb javob berdi u.
Birinchi marta Donald Tramp Kanada va Meksikadan olib kelinadigan tovarlarga 25 foizlik boj kiritish niyatini rasman lavozimga kirishishidan oldin ham – 2024-yilning noyabrida e’lon qilgan edi. Tramp Qo‘shma Shtatlarga noqonuniy migratsiyani to‘xtatishni bu choralar ko‘rilmasligining asosiy shartlaridan biri deb atadi. Kanada va Meksika rasmiylari allaqachon qarshi cheklovlarni tayyorlashni e'lon qilishgan.
.jpg "X factor uzbekistan")
.png "YouTube UZREPORT TV")
