Zelenskiy Ukrainada “rashizm” atamasini qonuniylashtirdi
Ukraina prezidenti tomonidan imzolangan qonunda “Rashizm” “Rossiya fashistlarining totalitar rejimi asosida yotgan totalitar mafkura va amaliyotning bir turi” deb taʼriflangan.
Ukraina prezidenti Vladimir Zelenskiy 29-avgust, juma kuni “Ukraina xalqining milliy xotirasi davlat siyosati asoslari to‘g‘risida”gi qonunni imzoladi, unda boshqa narsalar qatori “rashizm” ta’rifi ham rasman mustahkamlangan. Bu “milliy o‘zlikni muhofaza qilish va rivojlantirish to‘g‘risidagi asosiy qonun” bo‘lib, unga mamlakatning avvalgi prezidentlari imzo chekishni istamagan, qila olmagan yoki jur’at etmagan”, dedi Prezident devoni rahbari o‘rinbosari Irina Vereshchuk. Oliy Rada qonunni 21 avgust kuni ma’qullagan.
Hujjatda tarixiy xotirani saqlash sohasidagi davlat siyosatining asosiy tamoyillari mustahkamlangan va uni milliy xavfsizlikning tarkibiy qismi sifatida belgilaydi, deb yozadi Ukrainaning “Sud-huquq gazetasi”. Qonun birinchi marta davlat darajasida "Ukraina mustaqilligi uchun urush", "Ukrainaga qarshi tarixiy tashviqot" va "Ukraina xalqiga qarshi jinoyatlar" kabi tushunchalarni belgilaydi.
.png "YouTube UZREPORT TV")
