Endi O'zbekistonda maynerlar har oy 3 mln so'm, kripto-birjalar - 120 mln so'm yig'im to'laydi

Kripto-aktivlar aylanmasi sohasidagi faoliyatni amalga oshirish uchun yig‘imlar miqdorini belgilash, ularni to‘lash va taqsimlash tartibi to‘g‘risidagi nizom Adliya vazirligida davlat ro‘yxatidan o‘tkazildi.

Nizomga ko‘ra, O‘zbekistonda mayning va kripto-aktivlar aylanmasi sohasidagi xizmatlar provayderlari faoliyatini amalga oshiruvchi yuridik shaxslar (maynerlar va xizmatlar provayderlari) tomonidan ushbu faoliyatni amalga oshirish uchun yig‘imlar to‘lanadi.

Shunga ko‘ra, yig‘imlar BHMga nisbatan quyidagi miqdorlarda belgilanadi:

  • - mayning faoliyati uchun – BHMning 10 baravari (3 mln so‘m);
  • - xizmatlar provayderlari bo‘yicha:
  • - kripto-birja faoliyati uchun – BHMning 400 baravari (120 mln so‘m);
    - mayning-pul faoliyati uchun – BHMning 100 baravari (30 mln so‘m);
    - kripto-depozitariy faoliyati uchun – BHMning 5 baravari (1,5 mln so‘m);
    - kripto-do‘kon faoliyati uchun – BHMning 20 baravari (6 mln so‘m).

Yig‘imlar maynerlar va xizmatlar provayderlari tomonidan lisenziya yoki ruxsat etish xususiyatiga ega hujjatni olgan paytdan e’tiboran har oyda to‘lanadi.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 102901 | Инструменты