Navoiydagi “Qizilqum Fosforit Kompleksi” sotuvga qo'yildi
Davlat aktivlarini boshqarish agentligi Navoiy viloyati Konimex tumanida joylashgan “Qizilqum Fosforit Kompleksi” MChJ ustav kapitalidagi 100 foiz davlat ulushini xususiylashtirish jarayonini boshladi.
Talabgorlar o'z arizalarini 2023-yil 5-may 18:00ga (Toshkent vaqti bilan) qadar Davaktiv saytida ko'rsatilgan elektron manzillarga yuborishlari lozim.
Ariza quyidagi maʼlumotlarni oʻz ichiga oladi:
- ishtirokchi toʻgʻrisida qisqacha maʼlumot (shu jumladan, STIR va faoliyat turi);
- ishtirokchi ustav kapitalida 5 foizdan ortiq ulushi mavjud aksiyadorlar/taʼsischilar (egalik ulushi koʻrsatilgan holda) va yakuniy benefitsiarlar toʻgʻrisida maʼlumotlar;
- moliyaviy hisobot (oxirgi 3 yilgi faoliyati boʻyicha).
Aktiv toʻgʻrisida qisqacha maʼlumot:
“Qizilqum Fosforit Kompleksi» MChJ – fosforit konsentrati va fosfor uni ishlab chiqaruvchi korxona hisoblanadi. Fosforit konsentrati ishlab chiqarish sexi 1998-yilda tashkil etilgan boʻlib, Jeroy-Sardarin koni (Toshqoʻra rudnigi) negizida flyurapatit turidagi donali fosforit rudasini qayta ishlab, boyitishga moʻljallangan. Ishlab chiqarish quvvati yiliga - 716 ming tonna.
.jpg "X factor uzbekistan")
.png "YouTube UZREPORT TV")
