Prezident Sergeli tumanidagi iqtisodiy loyihalar bilan tanishdi
Ushbu loyihalar natijasida eksportbop mahsulotlar ishlab chiqariladi, zamonaviy xizmatlar yo‘lga qo‘yilib, yuzlab ish o‘rinlari yaratiladi.
O‘zbekiston Prezidenti Shavkat Mirziyoyevning tashrifi doirasida Sergeli tumanida amalga oshirilishi rejalashtirilgan iqtisodiy loyihalar taqdimoti bo‘lib o‘tdi.
Loyihalar ishga tushirilishi natijasida “Bek mega textile”, “Dara elite”, “Laura peri fashion”, “Orchid beauty” MCHJlari to‘qimachilik mahsulotlari va tayyor kiyim-kechaklar ishlab chiqarish, “Original textile and print” jinsi matosidan kiyim, aksessuar va furnituralar tayyorlash, “Ella” korxonasi ayollar uchun palto va charm mahsulotlar ishlab chiqariladi.
“Orient confection” va “Sladus produce” MCHJlari qandolat mahsulotlari, “Korton Osiyo” MCHJ meva-sabzavotlarni qadoqlash uchun gofra quti va lenta ishlab chiqarishni kengaytirmoqda. “Aminovs company” korxonasining loyihasi maishiy texnika jihozlari, “Sentral asia”niki esa qurilish mixlari, temir simlar va elektrodlar ishlab chiqarishga yo‘naltirilgan.
Xizmat ko‘rsatish sohasidagi loyihalarda esa “Nazm-nur progress” MCHJ zamonaviy kardiojarrohlik klinikasi tashkil etish, “Global medical center” shirkati ko‘p tarmoqli tibbiyot markazi faoliyatini kengaytirish, “Kilpyong leaders” MCHJ ko‘ngilochar bog’ va biznes markazi qurishni maqsad qilgan.
Mazkur loyihalar natijasida eksportbop mahsulotlar ishlab chiqariladi, zamonaviy xizmatlar yo‘lga qo‘yiladi, yuzlab ish o‘rinlari yaratiladi.
.png "YouTube UZREPORT TV")
