O‘zbekistonning davlat qarzi yarim yilda $3,1 mlrdga oshdi
Iqtisodiyot va moliya vazirligi maʼlumotlariga ko‘ra, joriy yilning ikkinchi choragi yakuniga kelib, O‘zbekistonning davlat qarzi $3,16 milliardga ko‘paygan.
Davlat qarzining umumiy hajmi $43,37 milliardni tashkil etdi. Shuningdan davlatning tashqi qarzi $36,41 milliard, ichki qarzi esa $6,96 milliardga teng.
Shu bilan birga, yil boshidan davlat qarzining YAIMga nisbatan ulushi 35%dan 34,2%gacha pasaygan.
Tashqi qarz tuzilishida 53% xalqaro moliya institutlariga to‘g‘ri keladi:
Osiyo taraqqiyot banki — $7,46 mlrd (20%);
Jahon banki — $7,84 mlrd (22%);
Islom taraqqiyot banki — $935 mln (3%);
Osiyo infratuzilma investitsiyalari banki — $1,69 mlrd (5%);
Xalqaro valyuta jamg‘armasi — $642 mln (2%);
Yevropa tiklanish va taraqqiyot banki — $401 mln (1%).
31% esa xorijiy hukumatlarning moliya tashkilotlariga to‘g‘ri keladi:
Xitoyning Eksport-import davlat banki va boshqa tashkilotlariga qarz — $3,86 mlrd (11%);
Yaponiya xalqaro hamkorlik agentligi va boshqa yapon tashkilotlariga — $3,18 mlrd (9%);
Fransiya taraqqiyot agentligiga — $1,16 mlrd (3%).
.png "YouTube UZREPORT TV")
