O‘zbekistonning xalqaro zaxiralari hajmi ketma-ket ikkinchi oy qisqarishda davom etmoqda
O‘zbekistonning xalqaro zaxiralari hajmi ketma-ket ikkinchi oy qisqarishda davom etmoqda. Bu haqda Markaziy bank ma’lumotlarida keltirilgan.
1-yanvar holatiga ko‘ra, regulyator zaxiralaridagi aktivlarning umumiy qiymati $41,18 mlrdni tashkil etdi. Bu undan oldingi oyga nisbatan $297,2 mlnga yoki 0,7%ga kamdir.
Shunga qaramay, ularning hajmi maksimal qiymatlarga yaqin darajada qolmoqda va o‘tgan yil davomida 19,1%ga yoki $6,6 mlrddan ortiqqa oshdi.
Oltin zaxiralari qiymati $704,4 mlnga — $32,7 mlrddan $32,03 mlrdgacha pasaydi. Uning fizik hajmi esa 12,3 mln troy unsiya (382,57 tonna) darajasida o‘zgarishsiz qoldi.
Dekabr oyida O‘zbekistonning valyuta zaxiralari $414 mlnga oshdi. Ularning hajmi $8,59 mlrdni, shu jumladan, boshqa mamlakatlar markaziy banklari va XVJdagi hisob raqamlarida $351 mlnni hamda xorijiy banklarda $8,14 mlrdni tashkil etdi.
.jpg "X factor uzbekistan")
.png "YouTube UZREPORT TV")
