Англия Кубоги. 1/2 финал. "Уотфорд" ирода кўрсатди ва финалга чиқди
Кеча Англия кубогининг ярим финал босқичидан ўрин олган иккинчи учрашув бўлиб ўтди.
Уотфорд шаҳридаги "Викаридж Роуд" стадионида "Уотфорд" клуби "Вулверҳэмптон" жамоасини меҳмон қилди. Шиддатли ва муросасиз тарзда ўтган учрашувда меҳмонлар 62 дақиқада 2:0 ҳисобида олдинга чиқиб олишди. Бироқ иккинчи бўлим якунига қадар Хави Грасия шогирдлари бунга икки бор жавоб қайтаришга улгиришди ва баҳс ғолиби экстра таймларда аниқланадига бўлди.
Қўшимча таймларда эса мезбонлар Деулофеунинг голи эвазига ғалабани илиб кетишди ва ўз тарихларида илк бор финал босқичига йўл олишди.
Финал босқичи 18-май санасида "Уэмбли" стадионида бўлиб ўтади ва унда "Манчестер Сити" "Уотфорд" клублари баҳс олиб боришади.
Англия Кубоги
Ярим финал
Уотфорд – Вулверҳэмптон 3:2 (0:1, 2:1, 1:0)
Голлар: 0:1 – 36 Доэрти, 0:2 – 62 Хименес, 1:2 – 79 Деулофеу, 2:2 – 90, пенальти Дини, 3:2 – 104 Деулофеу.
Уотфорд – Гомес, Мариаппа, Холебас (Мазина, 98), Фемения (Янмат, 108), Кэткарт, Хьюз (Деулофеу, 66; Сема, 112), Дукуре, Капу, Перейра, Дини, Грэй.
Вулверҳэмптон – Радди, Боли, Кастро (Рубен Винагре, 105), Доэрти, Коуди, Рубен Невеш (Беннетт, 86), Саисс, Диогу Жота (Кавалейру, 89), Дендонкер, Моутинью (Траоре, 102), Хименес.
Огоҳлантиришлар: Саисс (10), Рубен Невеш (25), Кэткарт (54), Холебас (61), Капу (101).
.png "YouTube UZREPORT TV")
