21-iyun kuni O‘zbekistonda sodir bo‘lgan muhim voqealar dayjesti

O‘zbekiston–Qirg‘iziston–Xitoy–Mo‘g‘uliston yo‘lagida birinchi yuk tashuvi 8 kunda yetib bordi

O‘zbekiston–Qirg‘iziston–Xitoy–Mo‘g‘uliston koridori bo‘ylab birinchi pilot yuk tashuvi muvaffaqiyatli amalga oshirildi.

O‘zbekiston Afg‘oniston bilan charm poyabzal yetkazib berish bo‘yicha 9,5 mln dollarlik shartnoma imzoladi

Afg‘onistonning Mozori Sharif shahrida O‘zbekiston charm-poyabzal sanoatining eksport salohiyatini kengaytirishga qaratilgan muzokaralar bo‘lib o‘tdi.

O‘zbekistondagi diniy ta’lim muassasalariga 25-iyun kunidan qabul boshlanadi

Qabul jarayonlari 20-iyulga qadar davom etadi.

O‘zbekistonlik olimlar qovunning yangi navlarini yaratmoqda

Qayd etilishicha, issiqxona sharoitida yetishtirishga mos, yuqori hosildorlikka ega va kasalliklarga chidamli qovun navlari hamda F1 duragaylarini yaratish bo‘yicha ilmiy-tadqiqot ishlari olib borilmoqda.

“O‘zbekistonda 7 mln odam toza ichimlik suvi bilan taʼminlanmagan” — Jahon banki vakili

Jahon bankining suv taʼminoti va oqova tizimi bo‘yicha katta mutaxassisi Odete Muhimpua o‘rganishlariga ko‘ra, O‘zbekistonda 7 million odam hali ham toza ichimlik suviga ega emas. Oqava suvlarning uchdan bir qismigina qayta ishlanadi. Chunki qayta ishlaydigan korxonalar yetarli emas.

Erondagi 60 ga yaqin O‘zbekiston fuqarolari Turkmaniston orqali vatanga qaytarildi

Mamlakatning Tehron va Ashxoboddagi diplomatik vakolatxonalarda kecha-yu kunduz ishlaydigan tezkor shtablar tuzildi.

Toshkentdagi 1-sonli tergov hibsxonasida saqlanayotgan shaxslar soni belgilangan me’yordan oshgani aniqlandi

Bolalar ombudsmani navbatdagi monitoring tashrifi bilan Toshkent shahridagi 1-sonli tergov hibsxonasida bo‘ldi hamda muassasada saqlanayotgan voyaga yetmaganlar sharoitlarini ko‘zdan kechirdi.

Toshkent viloyatida fuqaro hojatxonaga tushib ketgan bolani qutqardi

Toshkent viloyati Favqulodda vaziyatlar boshqarmasi unga minnatdorlik bildirdi. Qahramon fuqaroga tashakkurnoma va esdalik sovg‘asi topshirildi.

Ta’lim vizalariga talabgor o‘zbekistonliklarning ijtimoiy tarmoqdagi akkauntlari ochiq bo‘lishi kerak — AQSh elchixonasi

Elchixonaga ko‘ra, bu talab AQShga kirish huquqini aniqlash uchun zarur bo‘lgan tekshiruvni osonlashtirish maqsadida» bo‘lib, ushbu ma’lumotni kiritmaslik kelgusida viza olish huquqidan mahrum bo‘lishga olib kelishi mumkin.

O‘zbekistonda Germaniya universiteti tashkil etiladi

Bu tashabbus Yevropa standartlari asosida bilim berish va Germaniyaning ilg‘or akademik an’analarini joriy etish borasida muhim qadam bo‘lishi kutilmoqda.