"Барселона" Испания Суперкубоги учун қайдномани эълон қилди

Испания Суперкубоги учун баҳслар бу мавсумдан бошлаб уч йил давомида Саудия Арабистонида ўтказилади. Мусобақани ўз мамлакатида ўтказиш учун Саудия Арабистони уч йил учун 120 миллион евро тўлади. Ҳар йили 20 миллион евро мусобақа иштирокчилари ўртасида тақсимланади.

Эслатиб ўтамиз, ушбу мавсумдан бошлаб Испания суперкубоги янги тизим бўйича ўйналади: биринчи навбатда жамоалар яримфинал ўйинларини, кейин эса финал ўйинларини ўтказишади. Бу йил биринчи яримфинал жуфтлиги "Барселона" ва "Атлетико", иккинчиси - "Реал" ва "Валенсия" бўлади.

Ярим финал ўйинлари 8 ва 9 январ кунлари, финал - 12 январда бўлиб ўтади.
Испания футбол федерацияси президенти Луис Рубиалес агар Саудия Арабистони ҳомийлик қилмаганида, Суперкубок мусобақаси тугатилиши мумкинлигини айтиб ўтди.

"Барселона" клуби Суперкубок мусобақасига йўл оладиган таркибни эълон қилди.

Дарвозабонлар: Нето, Иняки Пеня, Арнау Тенас.

Ҳимоячилар: Нельсон Семеду, Херард Пике, Клеман Лангле, Хорди Альба, Самуэль Умтити, Хуниор Фирпо, Жан-Клер Тодибо, Мусса Ваге, Роналд Араухо.

Ярим ҳимоячилар: Иван Ракитич, Серхио Бускетс, Серхи Роберто, Френки де Йонг, Артуро Видаль, Карлес Перес, Рикард Пуч.

Ҳужумчилар: Луис Суарес, Лионель Месси, Антуан Гризманн, Ансу Фати, Алекс Колладо.

"Барселона" таркибида дарвозабон Марк-Андре тер Штеген, ярим ҳимоячи Артур ва ҳужумчи Усмон Дембеле жароҳат туфайли мазкур мусобақада иштирок эта олмайди.