“Manchester Yunayted” Ronaldu asosiy tarkibda maydonga tushgan o‘yinlarda yomon natija qayd etmoqda
Portugaliyalik hujumchi yangi mavsumda na gol va na assist amalga oshira olmadi
Angliyaning “Manchester Yunayted” klubi Yevropa Ligasi 1-turi doirasida “Real Sosyedad”ga qarshi kechgan bahsda mag‘lubiyatga uchradi (0:1).
Erik ten Hag qo‘l ostidagi jamoa joriy mavsum yettita o‘yin o‘tkazdi va Krishtianu Ronaldu ularning ikkitasida asosiy tarkibda maydonga tushdi: APLda “Brentford”ga (0:4) va Yevropa Ligasida “Real Sosyedad”ga (0:1) qarshi. Ularda mankunianlar gol ura olmagan va yakunda mag‘lubiyatga uchrashgan. Qolgan besh o‘yinda esa “qizil iblislar” kamida bitta gol urishga muvaffaq bo‘lgan. Ularda 37 yoshli futbolchi zaxiradan maydonga tushgan.
Ronaldu 2022-23-yilgi mavsumda birorta samarali harakat amalga oshira olmadi. U so‘nggi bor 5-iyun kuni Portugaliyaning Shveysariyaga qarshi o‘yinida samarali harakatni amalga oshirgan edi. Hozircha Ronalduning omadsiz yurishi tugagani yo‘q.
.png "YouTube UZREPORT TV")
