Месси Аргентина терма жамоасидаги сўнгги ўйинида иккита гол урди

Аргентина терма жамоаси ЖЧ-2026 саралаш босқичида Венесуэла термасини мағлуб этди.

Буэнос-Айресдаги баҳс 3:0 ҳисобида якунланди. Лаутаро Мартинес битта гол урди. Лионел Месси икки марта гол урди — бу унинг терма жамоадаги 113 ва 114-голлари. Месси хет-трик қайд этиши мумкин эди, аммо ҳакам 89-дақиқада офсайд туфайли голни ҳисобга олмади.

Аввалроқ, 38 ёшли Месси бу ўйин унинг ватанидаги терма жамоадаги сўнггиси бўлиши мумкинлигини айтганди. Учрашув олдидан мухлислар “Ҳаммаси учун раҳмат, капитан” ёзуви ёзилган баннерни очиб беришди. Месси майдонга ўғиллари: Тиаго, Матео ва Сиро билан кирди. Улар Аргентина ва Венесуэла мадҳиялари ижроси пайтида оталари билан бирга бўлишган.

Аргентина терма жамоаси таркибида Месси Жаҳон кубоги, икки марта Америка кубоги, Финалиссима ва Олимпия ўйинларида ғолиб чиқди.

Аргентиналиклар АҚШ, Мексика ва Канадада бўлиб ўтадиган 2026 йилги жаҳон чемпионатига йўлланмани қўлга киритишган.

Izohlar: 0
Siz identifikatsiyadan o'tmadingiz
Ro'yxatda bo'lmay turib izoh qo'shish

Tepaga

Alpha version: 0.9.1.19 build 120808 | Инструменты