O‘zbekistonlik futbolchilarning Eronga qarshi o‘yini qanday baholandi?
Futbol bo‘yicha Jahon chempionati saralashining 3-bosqichi 8-turidan o‘rin olgan Eron – O‘zbekiston uchrashuvi (2:2) o‘tkazildi.
Ushbu uchrashuvda maydonga tushib, harakat qilgan o‘zbekistonlik futbolchilarning o‘yini turli platformalar tomonidan baholandi.
Jumladan, Flashscore talqiniga ko‘ra eng yaxshi futbolchi Abbosbek Fayzullayev bo‘ldi. Vingerga 7,6 ball berildi. Shu bilan birga, Eldor Shomurodov hamda Hojimat Erkinovga 7,4 balldan berildi. 
Bir qator seyvlar bilan jamoasi joniga oro kirgan O‘tkir Yusupovga 7,3 ball berildi.
Bundan tashqari, Sofascore portali ham futbolchilarga ballar berdi. Unda Fayzullayevga 7,8 ball berilgan. Keyingi o‘rinda esa Otabek Shukurov – 7,5 ball. 
Himoyada yaxshi o‘yin ko‘rsatgan Umar Eshmurodov esa 7,3 ball bilan baholangan.
.png "YouTube UZREPORT TV")
