Reuters: Uitkoff Moskvada protokolni buzdi
Moskvaga tashrifi chog‘ida Trampning maxsus vakili Putinning talablarini yoza olmagan, shuning uchun ham u ularni Trampga noto‘g‘ri yetkazgan, deb xabar berdi Reuters axborot agentligi.
AQShning maxsus vakili Stiv Uitkoff Rossiya prezidenti Vladimir Putin bilan Moskvadagi uchrashuvi chog‘ida protokolni buzdi va odatda eslatma olib turadigan Davlat departamenti vakilisiz uchrashuvga bordi. Bu chalkashliklarga olib keldi va Uitkoff Kreml pozitsiyasini noto‘g‘ri talqin qildi, deb xabar berdi Reuters 28-avgust, payshanba kuni bir nechta manbalarga tayanib.
Uitkoff 6 avgust kuni Moskvada Putin bilan uchrashgandan so‘ng AQSh prezidenti Donald Trampga Rossiya prezidenti go‘yoki Ukrainadagi urushni tugatish uchun muhim hududiy imtiyozlar berishga tayyorligini aytdi. Buni eshitgan Tramp Putin bilan sammit o‘tkazishga rozi bo‘ldi.
Ertasi kuni Uitkoff bir qancha yevropalik yetakchilarga Kiyev Donetsk va Luganskdan voz kechishi evaziga Putin Zaporojya va Xerson viloyatlaridan qo‘shinlarni olib chiqishga tayyorligini aytdi, dedi Reuters agentligiga suhbatdan xabardor manba. Bu taklif “suhbat ishtirokchilarini hayratda qoldirdi”, chunki u Putinning pozitsiyasiga boʻlgan oʻz baholaridan keskin farq qiladi, dedi agentlikka toʻrtta manba, jumladan, Amerika va Yevropa rasmiylari. Biroq, ertasi kuni Vitkoffning aytishicha, Kreml aslida Ukrainaning ikki viloyatidan qo‘shinlarni olib chiqishni taklif qilmagan, faqat G‘arbdan Zaporijya va Xerson viloyatlarini Rossiyaning bir qismi sifatida rasman tan olishni talab qilmasligini aniq bildirgan.
.png "YouTube UZREPORT TV")
