AQSH Davlat kotibi Entoni Blinken O‘zbekistonga keladi
AQSH Davlat kotibi Entoni Blinken O‘zbekistonga keladi
AQSH Davlat kotibi Antoni Jon Blinken 2023-yil 28-fevraldan 3-martgacha Qozog‘iston, O‘zbekiston va Hindistonga safar qiladi.
Qayd etilishicha, u 28-fevral kuni Qozog‘istonning Ostona shahriga tashrif buyuradi. Keyin u Markaziy Osiyoning beshta davlatining har biri vakillari ishtirokida boʻlib oʻtadigan “C5+1” formatidagi vazirlar yigʻilishida ishtirok etadi.
“C5+1” formatidagi vazirlar yig‘ilishida AQSh, Qozog‘iston, Qirg‘iziston, Tojikiston, Turkmaniston va O‘zbekiston hukumatlari o‘rtasida iqtisodiy, energetika va atrof-muhit va xavfsizlik sohalaridagi hamkorlikni kengaytirish masalalari muhokama qilinadi.
Kotib “C5+1” vazirlari doirasida Qirgʻiziston Respublikasi, Tojikiston va Turkmanistonning yuqori martabali hukumat amaldorlari bilan alohida uchrashib, ikki tomonlama va koʻp tomonlama hamkorlik imkoniyatlarini muhokama qiladi. Keyin u Toshkent shahriga kelib, ikki tomonlama va mintaqaviy masalalar bo‘yicha hamkorlikni yanada rivojlantirish maqsadida O‘zbekiston rasmiylari bilan uchrashadi.
Ma'lumot o'rnida, Entoni Blinken 2021-yil 26-yanvardan beri AQSh Davlat kotibi lavozimida faoliyat yuritib keladi.
.png "YouTube UZREPORT TV")
