O'zbekiston Tashqi ishlar vaziri Qozog'iston elchisiga "Do'stlik" ordenini topshirdi
O'zbekiston tashqi ishlar vaziri Baxtiyor Saidov bugun Qozog'iston elchisi Beybut Atamqulov bilan uchrashdi.
"O'zbekiston Prezidenti Shavkat Mirziyoyev Janobi Oliylari Qozog'istonning mamlakatimizdagi Favqulodda va Muxtor Elchisi Beybut Atamqulov janoblarini O'zbekiston va Qozog'iston o'rtasidagi o'zaro hurmat va ishonch, yaxshi qo'shnichilik va strategik sheriklik munosabatlarini yangi bosqichga ko'tarish, siyosiy, ijtimoiy-iqtisodiy, madaniy-gumanitar hamkorlikni amaliy ma'no-mazmun hamda muhim tashabbuslar bilan boyitish, ustuvor yo'nalishlardagi aloqalarni kengaytirish va har tomonlama rivojlantirish, qo'shma loyihalarni faol ilgari surishga qo'shgan shaxsiy hissasi, shuningdek, mamlakatlarimiz xalqlarining ko'p asrlik do'stligi va hamjihatligini yanada mustahkamlash yo'lidagi ulkan xizmatlari uchun "Do'stlik" ordeni bilan mukofotladi. Yuksak mukofotni bugun Tashqi ishlar vazirligida topshirganimizdan mamnunmiz. Elchi janoblari va uning jamoasini chin yurakdan tabriklaymiz!", – deb yozdi O'zbekiston TIV rahbari o'zining telegram-kanalida.
.jpg "X factor uzbekistan")
.png "YouTube UZREPORT TV")
