Сурхондарё вилояти делегациясининг Венгрияга ташрифида 124 млн долларлик шартномалар имзоланди
Хабар берганимиздек, 7-9 апрель кунлари амалий ташриф билан Венгрия давлатида бўлиб қайтган Сурхондарё вилояти делегацияси куни-кеча мамлакат пойтахти Будапешт шаҳрида қатор тадбирларда, учрашув ва музокараларда иштирок этишди.
Хусусан, вилоятимиз ҳокими Улуғбек Қосимов "Баболна Tetra" компаниясининг паррандачилик кластери фаолияти билан танишди. Ишбилармон доира вакиллари билан учрашув ва музокаралар ўтказилди. Музокаралар якунларида узумни кайта ишлаш ва виночилик маҳсулотини ишлаб чиқариш, электроника ва хўжалик техникалари, қоп ҳамда мебель ишлаб чиқариш ускуналарини етказиб бериш бўйича битимлар тузилди.
Уч кунлик ташриф давомида ўтказилган учрашувлар ва музокаралар натижасида умумий қиймати 124,2 млн долларлик 18 та ҳужжат имзоланди. Шундан, 6 та ҳамкорлик битимлари, 9 та инвестиция келишувлари ҳамда 3 та импорт шартномалари тузилди.
Шу билан Сурхондарё вилояти делегациясининг Венгрия давлатига ташрифи якунига етди. Бугун вилоятимиз ҳокими бошчилигидаги делегация воҳамизга қайтиб келди.
.png "YouTube UZREPORT TV")
