Sizlarni har doim eng qiziqarli yangiliklardan xabardor qilish maqsadida yangi xabarlar haqida ogohlantirishimiz mumkin.
10 oyda O‘zbekistonga kelgan xorijliklar soni qariyb 20% ga oshdi
2026-yilning yanvar–oktabr oylarida O‘zbekistonga turistik maqsadlarda 11,6 million nafar chet el fuqarosi tashrif buyurdi. Umumiy sayyohlar oqimining 75 foizdan ortig‘i Markaziy Osiyo davlatlari hissasiga to‘g‘ri kelmoqda.
2026-yilning yanvar–oktabr oylarida O‘zbekistonga turistik maqsadlarda kelgan xorijiy fuqarolar soni 11 622 103 nafarni tashkil etdi. Milliy statistika qo‘mitasi taqdim etgan ma’lumotlarga ko‘ra, bu ko‘rsatkich o‘tgan yilning mos davriga nisbatan qariyb 1,9 million nafarga yoki 19,4 foizga oshgan.
Statistik ko‘rsatkichlar tahlili shuni ko‘rsatmoqdaki, joriy yilda mamlakatga oyiga o‘rtacha 1,16 million nafardan ortiq sayyoh tashrif buyurgan. Tashriflarning asosiy qismi — 94,5 foizi (10,97 million kishi) yetakchi o‘nta davlat fuqarolari hissasiga to‘g‘ri kelmoqda.
Qo‘shni davlatlar — asosiy drayver
Turistik oqim tarkibida Markaziy Osiyo mamlakatlari mutlaq yetakchilikni saqlab qolmoqda. Xususan, qo‘shni Qirg‘iz Respublikasi, Qozog‘iston, Tojikiston va Turkmanistondan jami 8,72 milliondan ziyod sayyoh kelgan bo‘lib, bu umumiy turistlar oqimining 75,1 foizini (to‘rtdan uch qismini) tashkil etadi. Birgina kuchli uchlikdagi davlatlar ulushi 72,6 foizga yetgan.
Turistik oqim tarkibida Markaziy Osiyo mamlakatlari mutlaq yetakchilikni saqlab qolmoqda. Xususan, qo‘shni Qirg‘iz Respublikasi, Qozog‘iston, Tojikiston va Turkmanistondan jami 8,72 milliondan ziyod sayyoh kelgan bo‘lib, bu umumiy turistlar oqimining 75,1 foizini (to‘rtdan uch qismini) tashkil etadi. Birgina kuchli uchlikdagi davlatlar ulushi 72,6 foizga yetgan.
Uzoq va yaqin xorij ko‘rsatkichlari
Markaziy Osiyodan tashqari hududlar orasida Rossiya 1,1 milliondan ortiq ko‘rsatkich bilan to‘rtinchi o‘rinni egallagan. Osiyo davlatlaridan Afg‘oniston va Xitoy deyarli teng ko‘rsatkich qayd etib, mos ravishda 432,6 ming va 430,3 ming nafar sayyoh bilan keyingi o‘rinlardan joy oldi. Yevropa qit’asidan esa Germaniya TOP-10 ro‘yxatiga kirgan yagona davlat bo‘ldi (50,8 ming kishi).10 oy davomida O‘zbekistonga eng ko‘p turist kelgan TOP-10 davlat ro‘yxati quyidagicha ko‘rinish olgan:
Qozog‘iston — 2 703 401 nafar;
Tojikiston — 2 553 147 nafar;
Rossiya — 1 104 057 nafar;
Afg‘oniston — 432 651 nafar;
Xitoy — 430 326 nafar;
Turkmaniston — 289 933 nafar;
Turkiya — 169 553 nafar;
Hindiston — 64 344 nafar;
Germaniya — 50 846 nafar.
Mutaxassislar fikricha, qo‘shni davlatlar bilan chegara o‘tkazish punktlaridagi tartib-taomillarning soddalashtirilishi hamda Xitoy va boshqa mamlakatlar bilan aviaqatnovlar sonining ortishi turistik oqimning barqaror o‘sishiga xizmat qilmoqda.
Baholash:
0
0
Izohlar: 0
Siz identifikatsiyadan o'tmadingiz
Ro'yxatdan o'tish yoki Kirish
Ro'yxatda bo'lmay turib izoh qo'shish
.png "YouTube UZREPORT TV")
