Kollej va texnikumlarga qabul kvotalari tasdiqlandi
Kollej va texnikumlarga qabul parametrlari tasdiqlandi. Bu haqida Oliy va o'rta maxsus ta'lim vazirligi xabar berdi.
Vazirning buyrug‘i bilan 2022-2023-o‘quv yilida kollej va texnikumlarga kunduzgi, kechki, sirtqi va dual ta’lim shakllari bo‘yicha jami 139 638 ta qabul kvotasi tasdiqlandi. Shundan, 149 ta kollej uchun 59 ming 460 ta, 194 ta texnikum uchun esa 80 ming 178 ta kvota ajratilgan.
Shuningdek, kollejlarga kunduzgi ta’lim shakli bo‘yicha kvota 35 680 nafar etib belgilandi. Shundan, davlat granti asosida 8 680 nafar, to‘lov-kontrakt asosida 27 ming nafar o'quvchi qabul qilinadi.
Kechki ta’lim shakli bo‘yicha jami 2 440 nafar o'quvchi qabul qilinishi belgilandi. Mazkur ta’lim shakli faqat to‘lov-kontrakt asosida amalga oshiriladi.
Sirtqi ta’lim shakli bo‘yicha qabul parametrlari jami 16 408 nafar etib belgilandi. Ushbu ta’lim shakli faqat to‘lov-kontrakt asosida amalga oshiriladi.
Kollejlarga dual ta’lim shakli bo‘yicha qabul parametrlari jami 4 932 nafar etib belgilandi. Bu ta'lim shaklida ham faqat to‘lov-kontrakt asosida amalga oshiriladi.
.png "YouTube UZREPORT TV")
