Metropoliten vagonidagi tiqilib qolgan drenaj tizimi bo'yicha “Toshkent metropoliteni” UK izoh berdi
Ijtimoiy tarmoqlarda yangi metro vagoni tomidan suv sizib chiqayotgani aks etgan video tarqaldi. “Toshkent metropoliteni” UK bu yomg‘ir tomchilari emasligini ta'kidlamoqda
Ijtimoiy tarmoqlarda yangi metro vagoni tomidan suv sizib chiqayotgani aks etgan video tarqaldi.
“Toshkent metropoliteni” UK bunga quyidagicha izoh berdi:
"Ushbu hodisa bo'yicha shuni ma'lum qilamizki, mazkur holat vagon ichidagi iqlim tizimining drenaj teshigi tiqilib qolganligidan hosil bo'lgan.
Videolarda namoyish etilganidek, vagon saloniga tomdan sizib kirgan suv tomchilari bu yomg'ir suvi emas, balki konditsioner tizimining kondensatidir.
Ayni paytda ushbu muammo bartaraf etildi. Kelib chiqqan noqulayliklar uchun uzr so'raymiz", - deyiladi xabarda.
.png "YouTube UZREPORT TV")
