O‘zbekistonda 2025-yildan “avtomoyka”lar xizmati qimmatlashishi mumkin
Iqtisodiyot va moliya vazirligi “2025-yil uchun O‘zbekiston Respublikasining davlat byudjeti to‘g‘risida”gi qonun loyihasi va Byudjetnoma ishlab chiqilganini e’lon qildi.
Byudjetnomada 2025-yil uchun soliq siyosati taqdim etildi. Unga ko‘ra, asosiy soliq stavkalari o‘zgarishsiz qoladi.
2025-yilning 1-aprelidan tarkibida shakar bo‘lgan nafaqat gazli ichimliklar, balki choy, sharbat va boshqa gazlanmagan shakarli ichimliklarning 1 litri uchun 500 so‘m miqdorida aksiz solig‘i joriy etiladi. Bundan tashqari, tarkibida shirinlashtiruvchi yoki xushbo‘ylantiruvchi moddalar bo‘lgan gazlangan ichimliklar 1 litri uchun amaldagi 500 so‘mlik soliq 300 so‘mga tushiriladi.
Shuningdek, barcha tadbirkorlik subyektlari uchun suv solig‘i sanoat korxonalari bilan birxillashtiriladi (760 so‘m). Shu bilan birga, “avtomoyka”lar uchun suv solig‘i 1 kub metr uchun 15 ming so‘m qilib belgilanmoqda. Amalda bu 2700 so‘m.
Maʼlumot uchun, tarmoqlarda bitta avtomashinani yuvish uchun o‘rtacha 50-60 litr suv ketishi aytilgan. Bugungi kunda O‘zbekistonda bir “avtomoyka”da 2-3 ta avtomashina yuvish uchun joy bor.
Bir kun davomida avtomashina yuvish shoxobchalarida 20 ta mashina yuviladigan bo‘lsa, 1 tonna suv ketishi mumkin.
.jpg "X factor uzbekistan")
.png "YouTube UZREPORT TV")
