O‘zbekistonning SSSR davridagi sobiq rahbari Rafiq Nishonov vafot etdi

O‘z vaqtida O‘zbekiston SSR Oliy kengashi prezidiumi raisi, O‘zbekiston SSR Kommunistik partiyasi markaziy qo‘mitasining birinchi kotibi bo‘lgan Rafiq Nishonov 97 yoshida hayotdan ko‘z yumdi.

Rafiq Nishonov 1926-yil 15-yanvarda mardikor oilasida tug‘ilgan. Toshkent kechki pedagogika institutini tarix fani o‘qituvchisi mutaxassisligi bo‘yicha tamomlagan.

Tarix fanlari nomzodi. 1942-yildan - Toshkent viloyati Boʻstonliq tumani “Chirchiq” kolxozining kolxozchisi. 1943-yilda Bo‘stonliq tumani G‘azalkent qishloq Soveti ijroiya qo‘mitasi kotibi. 1944-yildan - Bo'stonliq tuman komsomol qo'mitasi instruktori, ikkinchi kotibi. 1945-1950-yillarda Sovet Armiyasi saflarida xizmat qilgan.

1951-yildan O‘zbekiston Kompartiyasi Toshkent shahar Oktyabr tuman qo‘mitasi instruktori, bo‘lim mudiri, kotibi bo'lib ishlagan. 1956-yilda Oʻzbekiston Kompartiyasi Toshkent shahar qoʻmitasi boʻlimlaridan birining mudiri boʻlgan. 1959-yildan - Oʻzbekiston Kompartiyasi Toshkent shahar Oktyabr tuman qoʻmitasining birinchi kotibi lavozimida faoliyat yuritgan.

1962-yildan - Toshkent shahar ijroiya qoʻmitasi raisi, 1963-yildan - Oʻzbekiston Kompartiyasi Markaziy Qoʻmitasining mafkura boʻyicha kotibi, Byuro aʼzosi bo'lgan.

1970-yilda u diplomatik ishga o'tadi. SSSR Oliy Kengashi Prezidiumining farmoni bilan u SSSRning Shri-Lankadagi va bir vaqtning o‘zida Maldiv Respublikasidagi Favqulodda va Muxtor elchisi, 1978-yildan - SSSRning Iordaniyadagi Favqulodda va Muxtor elchisi etib tayinlangan. 

1985-yilda Rafiq Nishonov respublikaga qaytib, O‘zbekiston SSR Tashqi ishlar vaziri etib tayinlangan.
1986-yil 9-dekabrdan 1988-yil 9-aprelgacha — Oʻzbekiston SSR Oliy Kengashi Prezidiumi Raisi, 1987-yil 29-iyundan 1988-yil 24-maygacha bir vaqtning oʻzida SSSR Oliy Soveti Prezidiumi Raisining oʻrinbosari, 1988-yil 12-yanvardan 1989-yil 23-iyungacha — Oʻzbekiston Kompartiyasi Markaziy Komitetining birinchi kotibi, bir vaqtning oʻzida 1988-yil 24-maydan 1989-yil 25-maygacha — Oliy Kengash Prezidiumi aʼzosi (SSSR), 1989-yil iyundan 1991-yil sentyabrgacha SSSR Oliy Kengashi Millatlar Kengashining raisi lavozimlarida ishlagan.

1991-yil sentyabrdan - SSSR Prezidentining maslahatchisi bo'lgan.

2012-yilda Moskvada, 2021-yilda Toshkentda uning “Daraxtlar bo‘rongacha yashnaydi” – “Daraxtlar yam-yashil bo‘lib qor bo‘roniga” nomli xotiralar kitobi o‘zbek va rus tillarida nashr etilgan.

Bir necha bor SSSR va Rossiyaning orden va medallari bilan taqdirlangan. Xususan, 90 yillik yubiley arafasida Rossiya Prezidenti Vladimir Putinning Farmoni bilan “Shon-sharaf” ordeni, 2021-yil yanvar oyida esa Aleksandr Nevskiy ordeni bilan taqdirlangan. Sovet davrida unga “O‘zbekiston SSRda xizmat ko‘rsatgan madaniyat xodimi” faxriy unvoni berilgan.