"Odamlarni tupurib davolaydigan tabib" IIB tomonidan tekshirildi
Ushbu shaxs tabiblik ma'lumotiga ega emasligi aniqlandi
Toshkent viloyatida “odamlarni tupurib davolaydigan tabib paydo boʻldi” izohi bilan ijtimoiy tarmoqlarda xabarlar tarqalgan edi.
Mazkur holat Toshkent viloyati Boʻstonliq tumani IIB tezkor xodimlari va tuman DSI tomonidan hamkorlikda tekshirildi.
O'rganishlar davomida video tasvirdagi “tabib” – Boʻstonliq tumanida yashovchi, 1970-yilda tugʻilgan fuqaro B.Y. (chorvachilik bilan shugʻullanuvchi shaxs) ekanligi va u tabiblik borasida maʼlumotga ega emasligi aniqlangan.
Ma'lum bo'lishicha, fuqaro B.Y. taxminan 2 yildan buyon Boʻstonliq tumani, Oqtosh qishlogʻidagi, aholi orasida “Quyoshli” deb nomlangan tepalikda odamlarga echki suti sotish bilan shugʻullanib kelayotgan bo'lgan.
U oʻzining koʻrsatmasida, 27-may kuni “Dorivor oʻsimliklar haqida”gi kitobdan Chittigul ildizini kukun shaklida tomoqqa sepilsa “lorengit” kasalligini davolashi haqida oʻqib, togʻdan “Chittigul” ildizini terib kelganligini va kukun shaklida maydalab, quyosh taftidan nafas olish uchun kelgan fuqarolarga trubka orqali sepib (purkab), har bir muolajasi uchun 20 ming soʻmdan pul olganligini maʼlum qilgan.
Shuningdek, tekshiruv harakati davomida fuqaro B.Y. muolaja oʻtkazishda foydalanib kelgan buyumlar ashyo tariqasida olingan. Hozirda holat yuzasidan tegishli hujjatlar rasmiylashtirilib, tergovga qadar tekshiruv harakatlari olib borilmoqda.
.png "YouTube UZREPORT TV")
