O'zbekiston aholisi eng ko'p foydalanadigan ijtimoiy tarmoq va messenjer nomi ma'lum bo'ldi

So'nggi tadqiqot natijalariga ko'ra, bugungi kunda butun insoniyatning 63 % qismi internetdan foydalanishi qayd etilgan. Shuningdek, qariyb 1 yillik davr ichida internet foydalanuvchilari soni 200 millionga ortgan. Internet foydalanuvchilarning asosiy qismi (92,4 %) mobil qurilmalar vositasida internetdan foydalanishadi. 4,65 milliard foydalanuvchi ijtimoiy tarmoqlardan faol foydalanishadi. Ushbu raqamlar onlayn olamning naqadar muhimligini yana bir marta ifodalaydi.

Dunyo bo‘yicha 3 milliard kishidan ortiq messenjerlardan foydalanuvchilar mavjud. Eng ko‘p foydalanuvchiga ega bo‘lgan platformalar Facebook va WhatsApp bo‘lib, 2,5 milliarddan ortiq foydalanuvchi ulardan foydalanishadi.

Bundan tashqari bir qancha rivojlangan mamlakatlarda milliy messenjerlardan ham foydalaniladi. Jumladan, Yaponiyada Line, Janubiy Koreyada KakaoTalk va Xitoyda WeChat.

Statista.com sayti eng ommabop messenjerlar ro‘yxatini e’lon qildi:

- WhatsApp – 2 mlrd'dan ko‘p foydalanuvchiga ega;
- Weixin/Wechat (Xitoy) – 1,3 mlrd ga yaqin foydalanuvchi;
- Facebook Messenger – 988 mln foydalanuvchi;
- QQ – 574 mln foydalanuvchi;
- Snapchat – 557 mln foydalanuvchi;
- Telegram – 550 mln foydalanuvchi.

O‘zbekistonda eng ommabop messenjerlar ro‘yxati quyidagicha:

- Telegram – foydalanuvchilarning 80% qismi;
- WhatsApp – foydalanuvchilarning 22% qismi;
- Facebook Messenger – foydalanuvchilarning 6% qismi.

Datareportal.com ma’lumotlariga ko‘ra, O‘zbekiston aholisining qariyb 70% qismi internet foydalanuvchisi hisoblanadi. Aholining 18,3 % qismi ijtimoiy tarmoqlardan foydalanishadi.

O'zbekistonda foydalanuvchilar tomonidan eng ko‘p Instagram ijtimoiy tarmog‘idan foydalaniladi. Hozirgi kunda ushbu tarmoqdan foydalanuvchilar soni 4,8 mln'dan ortiq hisoblanadi. Foydalanuvchilarning 34,4 % qismi ayollar. Foydalanuvchilarning asosiy qismi yoshlarni (18-35 yosh) tashkil etadi.

Eslatib o'tamiz, bundan oldin O'zbekistonda milliy messenjer va ijtimoiy tarmoq yaratish bo‘yicha startap loyihalar tanlovi e’lon qilingani haqida xabar bergan edik.