Raqobat qo‘mitasi poyezddagi noqulayliklarni nazoratga olganini ma'lum qildi
Avvalroq, "Xiva-Andijon" yo'nalishidagi poyezdda konditsioner “anomal issiq sabab” ishlamagani aytilgani haqida xabar bergan edik. Ijtimoiy tarmoqlarda o‘zbek yulduzlari tomonidan yo‘lovchi poyezdlarida konditsioner tizimi ishlamayotgani haqidagi xabarlar keng muhokamalarga sabab bo‘lgan edi.
Holat yuzasidan Raqobat qo'mitasi rasmiy munosabat bildirdi.
Qayd etilishicha, bundan avval ham ijtimoiy tarmoqlar orqali shu ko‘rinishdagi tanqidiy materiallar eʼlon qilingan edi va Raqobatni rivojlantirish va isteʼmolchilar huquqlarini himoya qilish qo‘mitasi bu holatlarni o‘rganish va aniqlik kiritish bo‘yicha “O‘ztermiyo‘lyo‘lovchi” AJ ga tegishli tartibda so‘rov yuborgan, hozirda qo‘mita tomonidan bu kabi holatlar yuzasidan tegishli o‘rganish ishlari olib borilmoqda.
Yuqoridagi holatlar ham shu o‘rganishlar doirasida ko‘rib chiqilishini va ushbu holatlar qo‘mitaning nazoratiga olinganligini maʼlum qilindi.
O‘rganish yakunlari yuzasidan qo‘shimcha axborot taqdim etiladi.
.jpg "X factor uzbekistan")
.png "YouTube UZREPORT TV")
