Samarqandda 16 yoshli bola daraxt bosib qolishidan vafot etdi
Samarqandda 16 yoshli bola daraxt bosib qolishidan vafot etdi. Bu haqda Uzreport.news manbasiga Bosh prokuratura matbuot kotibi Hayot Shamsutdinov ma'lum qildi.
Qayd etilishicha, 2025-yil 30-mart kuni soat 11:00 larda Payariq tuman IIB 1-son IIB navbatchilik qismining xabariga ko‘ra, Payariq tumani “Ilg‘or” MFYda yashovchi 2008-yilda tug‘ilgan M. baxtsiz xodisa sababli og‘ir tan jarohati olib, Chelak shifoxonasiga olib kelinganligini maʼlum qilgan.
Aniqlanishicha, o'sha sanada B. M. yashash xonadonida daraxt kesish jarayonida daraxtning kesilgan shoxi ehtiyotsizlik oqibatida uning ustiga tushib ketishi natijasida tan jarohati olib, oila aʼzolari tomonidan zudlik bilan Chelak shifoxonasi jonlantirish bo‘limiga olib kelinib, shifokorlar tomonidan ko‘rsatilgan tibbiy yordamga qaramasdan vafot etgan.
Xodisa joyga tuman IIB boshlig‘ining 1-o‘rinbosari K. E., IIB JQB boshlig‘i M. A. va IIBning boshqa tergov tezkor guruhi xodimlari chiqishgan.
Marhum B. M. ni murdasi sud-tibbiy tekshiruv o‘tkazish uchun olib ketilmoqchi bo‘linganida, yaqin qarindoshlarining faol qarshiligi ko‘rsatishib, mazkur holat bo‘yicha biror bir kishiga daʼvolari yo‘qligini maʼlum qilishganligi sababli, dalolatnoma va tilxat orqali murdasi yaqin qarindoshlariga berib yuborilgan.
Mazkur holat tuman prokuraturasi tomonidan nazoratga olingan bo‘lib, tuman IIB tomonidan tergovga qadar tekshiruv harakatlari olib borilmoqda.
.png "YouTube UZREPORT TV")
