Toshkentda 8-sinf o‘quvchisi maktabda hushidan ketib, qayta uyg‘onmadi
Ijtimoiy tarmoqlarda Toshkent shahri Filolgiya maktabida 8-sinf o'quvchisi ochiq qolgan elektr tokiga tegib ketish natijasida vafot etgani haqida xabarlar tarqaldi.
Holat yuzasidan Toshkent shahar maktabgacha va maktab ta'limi boshqarmasi munosabat bildirdi.
Qayd etilishicha, 27-noyabr kuni taxminan soat 18:15larda Mirzo Ulug'bek tumanidagi 99-sonli umumta'lim maktabi 8-“I” sinf oʼquvchisi A.A. maktab hovlisidagi sport maydonidan chiqib ketayotganida tobi qochgan va hushidan ketgan. Shu vaqtni o‘zida maktab qorovuli tomonidan tez tibbiy yordamga qo‘ng‘iroq qilingan. Tez yordam mashinasida Respublika ixtisoslashtirilgan kardiologiya markaziga olib ketilgan. Respublika ixtisoslashtirilgan kardiologiya markazi shifokorlari tomonidan yordam ko‘rsatilganligiga qaramay o‘ziga kelmagan.
O'quvchini tok urmagan va mazkur hududda hech qanday elektr toki kabeli uzilgan holat kuzatilmagan. Maktab stadioni va uning atrofida elektr energiya uzatgichlari borligi aniqlanmadi.
Hozirda huquq-tartibot idoralari tomonidan surishtiruv ishlari olib borilmoqda.
.jpg "X factor uzbekistan")
.png "YouTube UZREPORT TV")
