Murodjon Ahmadaliyevning navbatdagi jangi rasman tasdiqlandi!
“Matchroom Boxing” professional bokschimizning jangi sanasini e'lon qildi
Britaniyaning “Matchroom Boxing” promouteri Murodjon Ahmadaliyev ishtirokidagi jangni rasman eʼlon qildi.
Unga ko‘ra, professional bokschimiz Murodjon Ahmadaliyev 8-aprel kuni Texasda oʻtkaziladigan professional boks oqshomi doirasida ringga koʻtariladi.
Oʻsha kuni u oʻziga tegishli WBA va IBF kamarlarini filippinlik Marlon Tapalesdan himoya qiladi. Ahmadaliyev shu kungacha professional boksda 11 ta jang oʻtkazgan va ularning barchasida gʻalaba qozongan. 8 ta jangni u muddatidan oldin yakunlagan.
30 yoshli Marlon Tapales esa prof boskda 39 marotaba ringga koʻtarilgan. Janglarining 36 tasida gʻalabaga erishgan (19 ta nokaut). 3 ta jangda magʻlubiyatga uchragan (2 ta nokaut).
Oqshomning markaziy jangida Jessi Rodriges va Kristian Ernandes eng yengil vazn toifasida vakant boʻlib turgan WBO kamari uchun ringga koʻtariladi.
.png "YouTube UZREPORT TV")
